كام مهرجان

كلمات : نجـوي فؤاد

روح اعملك كام مهرجان مع ناس تعبانة
عشان تثبتلنا انك صح واحنا ناس غلطانة

كلام اباحى بيوظفوه وبلحن دوشة يبروزوه
وأجيال مش فاهمة فاكرينه موضة بيرددوه

للاسف فيه مفردات مينفعش حتى انها تتقال
على لحن خبط ورقع فى المهنة مالوش مجال

يعلم مع كل اللى طالع من أجيال وبيغنوه
فالمناسبات والاحتفالات بقى الترند اللى بيقولوه

هو راح فين النغم ولا الطرب بتاع زمان
اللى كان بيطرب وبيحترم ذوق الأنسان

الفن حياة وانتوا موتوه بالحياه وفنيتوه
وكل جميل اختفى وحل محله اللى بدعتوه

كلامكوا خارج عن السيطرة وجارح
فتح عنين الولاد والبنات عيال امبارح

اغلبها سف وابتزال مع الاسف ولفظ فاضح
زى الكانسرماهو مرض فى البدن السليم سارح

ولما جانا اللى يصد ويمنع دى المهزلة
احتجوا عليه واتنمروا وكأنه ده العادى

سمحوا لكل العاهات تبان مش متخيلة
ان الفن بقى وصمة عار والكل راضى

المهرجانجى بقى فنان وبيطرب من الساعة دى
واللى شايف غير كدة ده يبقى غيران وبيعادى

بس احنا شايفين انه وباء وتفشى فى الدنيادى
يلزمنا مصل نقضى بيه عليه من اللحظة دى

مش من حقنا ولا ايه نحتج على تلوث ودانا
وثقافة أجيال تتهد وبتضيع معاها أواطانا